ಕೇಂದ್ರಿಯ ವಿದ್ಯಾಲಯದಲ್ಲಿ ಮಕ್ಕಳನ್ನು ಕಡಿಮೆ ಹಣದಲ್ಲಿ ಓದಿಸಬೇಕಾ?…ಹಾಗಾದ್ರೆ ಅರ್ಜಿ ಸಲ್ಲಿಕೆ ಯಾವಾಗ ಗೊತ್ತಾ?…ಈ ಸ್ಟೋರಿ ನೋಡಿ.

ದಾವಣಗೆರೆ : ಕೇಂದ್ರಿಯ ವಿದ್ಯಾಲಯದಲ್ಲಿ ಮಕ್ಕಳನ್ನು ಓದ ಬಯಸುವ ಪೋಷಕರಿಗೆ ಸಿಹಿ ಸುದ್ದಿಯೊಂದು ಹೊರಬಿದ್ದಿದೆ.ಹಾಗಾದ್ರೆ ಆ ಸುದ್ದಿ ಏನು ಅಂತೀರಾ…ಈ ಸುದ್ದಿ ನೋಡಿ.ಕೇಂದ್ರೀಯ ವಿದ್ಯಾಲಯಗಳಲ್ಲಿ ನರ್ಸರಿ ಮತ್ತು ಪ್ರಥಮ ತರಗತಿಗಳಿಗೆ ಸೇರಿಸಲು ಬಯಸುವ ಪೋಷಕರು ತಮ್ಮ ಮಕ್ಕಳನ್ನು ಸೇರಿಸಲು ಕೇಂದ್ರಿಯ ವಿದ್ಯಾಲಯಕ್ಕೆ ಅರ್ಜಿ ಆಹ್ವಾನಿಸಲಾಗಿದೆ. 

2024-25ನೇ ಸಾಲಿಗೆ ದೇಶಾದ್ಯಂತದ ಕೇಂದ್ರೀಯ ವಿದ್ಯಾಲಯಗಳಲ್ಲಿ ಅರ್ಜಿ ಆಹ್ವಾನಿಸಲಾಗಿದೆ. ಆಸಕ್ತರು ನರ್ಸರಿ ಅಂದರೆ ಬಾಲ ವಾಟಿಕಾ -1, ಬಾಲ ವಾಟಿಕಾ -2 ಮತ್ತು ಬಾಲ ವಾಟಿಕಾ -3 ಮತ್ತು 1 ನೇ ತರಗತಿಗೆ ಪ್ರವೇಶಕ್ಕಾಗಿ ಆನ್ಲೈನ್ ನಲ್ಲಿ ಅರ್ಜಿ ಸಲ್ಲಿಸಬಹುದಾಗಿದೆ. 

ಏಪ್ರಿಲ್ 1, 2024 ರ ಸೋಮವಾರ ಬೆಳಿಗ್ಗೆ 10 ಗಂಟೆಗೆ ಅರ್ಜಿ ಪ್ರಕ್ರಿಯೆ ಪ್ರಾರಂಭವಾಗಲಿದ್ದು, ಏಪ್ರಿಲ್ 15 ರ ಸಂಜೆ 5 ಗಂಟೆಯವರೆಗೆ ಕೆವಿಎಸ್ ನ ಆನ್ಲೈನ್ ಪ್ರವೇಶ ಪೋರ್ಟಲ್ kvsonlineadmission.kvs.gov.in ನಲ್ಲಿ ಒದಗಿಸಲಾದ ಆನ್ಲೈನ್ ಫಾರ್ಮ್ ಮೂಲಕ ಅರ್ಜಿ ಸಲ್ಲಿಸಬಹುದು

ಕೆವಿಎಸ್ ಪ್ರವೇಶ 2024: ಇಂದಿನಿಂದ 2 ನೇ ತರಗತಿ ಮತ್ತು ಉನ್ನತ ತರಗತಿಗಳಿಗೆ ಅರ್ಜಿ ಆಹ್ವಾನ

ಕೇಂದ್ರೀಯ ವಿದ್ಯಾಲಯಗಳಲ್ಲಿ (ಕೆವಿಎಸ್ ಕ್ಲಾಸ್ 2 – 10 ಪ್ರವೇಶ 2024) 2 ನೇ ತರಗತಿಯಿಂದ 10 ನೇ ತರಗತಿಯವರೆಗಿನ ಪ್ರವೇಶಕ್ಕಾಗಿ ಅರ್ಜಿ ಪ್ರಕ್ರಿಯೆಯು ಏಪ್ರಿಲ್ 1 ರ ಬೆಳಿಗ್ಗೆ 8 ರಿಂದ ಪ್ರಾರಂಭವಾಗಿದೆ. ಆದಾಗ್ಯೂ, ಈ ತರಗತಿಗಳಿಗೆ ಆಫ್ಲೈನ್ ಅರ್ಜಿಗಳನ್ನು ಪಡೆಯಬಹುದು.  ಆಸಕ್ತ ಪೋಷಕರು ತಮ್ಮ ಊರಿನಲ್ಲಿರುವ ಕೇಂದ್ರೀಯ ವಿದ್ಯಾಲಯಕ್ಕೆ ಭೇಟಿ ನೀಡುವ ಮೂಲಕ ಪ್ರವೇಶ ನಮೂನೆಯನ್ನು ಪಡೆಯಬಹುದು.

ಈ ಫಾರ್ಮ್ ಅನ್ನು ಸಂಪೂರ್ಣವಾಗಿ ಭರ್ತಿ ಮಾಡಿದ ನಂತರ ದಾಖಲೆಗಳನ್ನು ಲಗತ್ತಿಸಬೇಕು. ನಂತರ, ಅದನ್ನು ಏಪ್ರಿಲ್ 10 ರಂದು ಸಂಜೆ 4 ಗಂಟೆಯೊಳಗೆ ಅದೇ ಶಾಲೆಗೆ ಸಲ್ಲಿಸಬೇಕು.  ಸೀಟುಗಳು ಖಾಲಿಯಿದ್ದರೆ ಮಾತ್ರ ಈ ತರಗತಿಗಳಿಗೆ ಪ್ರವೇಶ ನೀಡಲಾಗುವುದು. ಆದಾಗ್ಯೂ, ಬಾಲ ವಾಟಿಕಾ (1, 2 ಮತ್ತು 3) ಮತ್ತು 1 ರಿಂದ 10 ನೇ ತರಗತಿಗಳ ಪ್ರವೇಶಕ್ಕಾಗಿ ಆನ್ಲೈನ್ ಅಥವಾ ಆಫ್ಲೈನ್ ಫಾರ್ಮ್ ನ್ನು ಭರ್ತಿ ಮಾಡುವ ಮೊದಲು, ಪೋಷಕರು ಸಂಬಂಧಿತ ಅಧಿಸೂಚನೆಯಲ್ಲಿ ಅರ್ಹತಾ ವಿವರಗಳನ್ನು ಪರಿಶೀಲಿಸಿ, ಅರ್ಜಿ ಭರ್ತಿ ಮಾಡಬೇಕು.