![](https://davangerevijaya.com/wp-content/uploads/2024/09/IMG-20240906-WA0139.jpg)
![](https://davangerevijaya.com/wp-content/uploads/2024/09/IMG-20240906-WA0137.jpg)
ದಾವಣಗೆರೆ : ಎಳನೀರು ಅಂದ್ರೆ ಮಾನವನ ಸಂಜೀವಿನಿ, ಆದರೆ ಇಂತಹ ಎಳನೀರು ಮಾರುಕಟ್ಟೆಯಲ್ಲಿ ಹೈಜನಿಕ್ ಆಗಿ ಸಿಗೋದಿಲ್ಲ..ಆದರೆ ಇನ್ಮುಂದೆ ಈ ಚಿಂತೆಯಿಲ್ಲ.
![](https://davangerevijaya.com/wp-content/uploads/2024/09/IMG-20240906-WA0136.jpg)
![](https://davangerevijaya.com/wp-content/uploads/2024/09/IMG-20240906-WA01301.jpg)
ಹೌದು…ದಾವಣಗೆರೆ ತಾಲ್ಲೂಕಿನ ನಾಗನೂರು ಭೂಮಾತಾ ರೈತ ಉತ್ಪಾದಕರ ಕಂಪನಿ ಲಿಮಿಟೆಡ್. ಎಳನೀರುಕಾಯಿ ಕೊಚ್ಚಲು ಸರಳ ಯಂತ್ರೋಪಕರಣಗಳುಳ್ಳ ವಿಶೇಷ ಹೈಟೆಕ್ ವಾಹನ ತಯಾರು ಮಾಡಿದೆ. ಅಲ್ಲದೇ ಎಳನೀರಿಗೆ ಹೋಸ ಬ್ರ್ಯಾಂಡಿಂಗ್ ಕೊಡಲು ಸಜ್ಜಾಗಿದೆ.
![](https://davangerevijaya.com/wp-content/uploads/2024/09/IMG-20240906-WA01432.jpg)
![](https://davangerevijaya.com/wp-content/uploads/2024/09/IMG-20240906-WA01412.jpg)
ಈ ಹೈಟೆಕ್ ವಾಹನದಿಂದ ಗ್ರಾಹಕರಿಗೆ ಎಳನೀರಿನಲ್ಲಿ ಲೆಮೆನ್ ಪ್ಲೇವರ್ ಎಳಗಂಜಿಯನ್ನು ಮ್ಯಾಂಗೋ, ಚಾಕಲೇಟ್, ಚಾಟ್ ಮಸಾಲಾ ಪ್ಲೇವರ್ ರೂಪದಲ್ಲಿ ಕೊಡಬಹುದಾಗಿದೆ.
![](https://davangerevijaya.com/wp-content/uploads/2024/09/IMG-20240906-WA01401.jpg)
![](https://davangerevijaya.com/wp-content/uploads/2024/09/IMG-20240906-WA0173.jpg)
ದಾವಣಗೆರೆ ತಾಲ್ಲೂಕಿನ ಜರೀಕಟ್ಟೆ ನಾಗನೂರು ಮಹದೇವಪುರ ಗ್ರಾಮಗಳಿಂದ ದಿನಕ್ಕೆ 8 ರಿಂದ 10 ಟ್ರಕ್ ಪ್ರಮಾಣದ ಎಳನೀರುಕಾಯಿ ಪೂನಾಗೆ ಮಾರಾಟವಾಗುತ್ತದೆ. ಇದರಿಂದ ತೆಂಗು ಬೆಳೆಗಾರರಿಗೆ ಸರಿಯಾದ ಬೆಲೆ ಸಿಗುತ್ತಿಲ್ಲ. ಆದ್ದರಿಂದ ಸ್ಥಳೀಯ ಮಾರುಕಟ್ಟೆ ಒದಗಿಸುವ ಐಡಿಯಾ ಇದಾಗಿದೆ. ಅಲ್ಲದೇ ವಾಹನದ ಟ್ರೆಂಡ್ ಗೆ ಇಂಬು ನೀಡಿದೆ. ನೈಸರ್ಗಿಕ ಪಾನೀಯ ಹೆಸರಿನಡಿ ಬ್ರ್ಯಾಂಡಿಂಗ್ ನೀಡಲಾಗಿದೆ. ಎಳ್ನೀರು ಡಾಟ್ ಕಾಮ್ ವೆಬ್ ಕೂಡ ಲಗ್ಗೆ ಇಟ್ಟಿದೆ
ತಯಾರಿಕೆ ವೆಚ್ಚ 60 ಸಾವಿರ
ಈ ಎಳನೀರು ತಯಾರಿಕೆಗೆ 60 ಸಾವಿರ ರೂ. ನಿಗದಿಯಾಗಿದೆ. ಖರೀದಿದಾರರು ಪ್ರಾಂಚೈಸಿ ಪಡೆಯಬಹುದು. ರೈತ ಉತ್ಪಾದಕ ಕಂಪನಿಯಡಿ ಇರುವ 450 ರೈತರು ಬೆಳೆದ ಎಳನೀರುಗಾಯಿ ಖರೀದಿಸಬೇಕೆಂಬ ಷರತ್ತು ಮಾಡಲಾಗುತ್ತಿದೆ. ಎಲ್ಲದರ ಲಾಭವನ್ನು ಕಂಪನಿಯ ಎಲ್ಲಾ ರೈತ ಶೇರುದಾರರಿಗೆ ಸಲ್ಲಿಕೆಯಾಗಲಿ. ಇನ್ನೊಂದು ತಿಂಗಳಲ್ಲಿ ದಾವಣಗೆರೆ ಜಿಲ್ಲೆಯಲ್ಲಿ ಇಂತಹ 15 ವಾಹನ ಮಾರುಕಟ್ಟೆಗೆ ಇಳಿಯಲಿದೆ. ಇದರಿಂದ ಎಳನೀರಿಗೆ ಬೇಡಿಕೆ ಜತೆಗೆ ತೆಂಗು ಬೆಳೆಗಾರರಿಗೆ ಲಾಭ ಹೆಚ್ಚುವ ನಿರೀಕ್ಷೆ ಇದೆ. ಎಳನೀರು ಕೀಳುವ ಸರಳ ಯಂತ್ರ ಮಾರುಕಟ್ಟೆಗೆ ತರಲು ಈ ಕಂಪನಿ ಸಿದ್ಧತೆ ನಡೆಸಿದೆ.
ಹೈಜನೀಕ್ ಎಳನೀರು
ಎಳನೀರು ಹೈಜೆನಿಕ್ ಆಗಿದ್ದರೆ ಸೇವನೆಯ ಹಿತಾನುಭವವೇ ಬೇರೆಯಾಗಿದ್ದು, ಎಳನೀರು ಗಂಜಿಗೆ ಗ್ರಾಹಕರ ಇಷ್ಟದ ಹಣ್ಣಿನ ಪ್ಲೇವರ್ ಹಾಕಿ ನೀಡಿದರೆ ಸವಿಯುವ ಉನ್ಮಾದವೇ ಬೇರೆಯಾಗಿದೆ. ಅಲ್ಲದೇ ಕೂಲ್ ಎಳನೀರು ಕೂಡ ಇಲ್ಲಿ ಸಿಗುತ್ತದೆ. ಎಳನೀರಿಗೆ ಬ್ರ್ಯಾಡಿಂಗ್ ನೀಡುವುದು ನಮ್ಮ ಪ್ರಯತ್ನ ಜತೆಗೆ ಕೂಲಿ ಕಾರ್ಮಿಕರ ಕೊರತೆಯನ್ನು ನೀಗಿಸುವ ನಿಟ್ಟಿನಲ್ಲಿ ಈ ಎಳನೀರು ಕೀಳುವ 2 ಯಂತ್ರಗಳನ್ನು ಸಿದ್ಧಪಡಿಸಲಾಗಿದೆ. ಅದರಲ್ಲಿ ಒಂದನ್ನು ಕಡಿಮೆ ದರದ ಬಾಡಿಗೆ ರೂಪದಲ್ಲಿ ನೀಡುವ ಚಿಂತನೆಯನ್ನು ನಡೆಸಿದ್ದೇವೆ ಎನ್ನುತ್ತದೆ ಕಂಪನಿ
ವಾಹನದ ವಿಶೇಷವೇನು?
ಈ ಎಳನೀರು ವಾಹನದಲ್ಲಿ ಸ್ಟೈನ್ ಲೆಸ್ ಸ್ಟೀಲ್ ನಿಂದ ತಯಾರಿಸಿದ ಎರಡು ಸಲಕರಣೆಗಳಿವೆ. ಎಳನೀರು ಕೊಚ್ಚಿ, ನೀರನ್ನು ಶುದ್ಧಿಕರಿಸಿ ಪೇಪರ್ ಕಪ್. ಪೇಪರ್ ಸ್ಟ್ರಾ ಬಳಸಿ ಗರಿಷ್ಠ 250 ರಿಂದ 300 ಮಿ.ಮೀ ಪ್ರಮಾಣದಷ್ಟು ನೀಡಲಾಗುತ್ತದೆ. ಎಳನೀರು, ಎಳೆಗಂಜಿಗೆ ನಾನಾ ಪ್ಲೇವರ್ ನೀಡಲಾಗುತ್ತಿದೆ. ವಾಹನದ ಕೆಳಭಾಗ ಸುಮಾರು 140 ಎಳನೀರು ಸಂಗ್ರಹ ಸಾಮರ್ಥ್ಯ ವಿದ್ದರೆ ಎಡಬದಿ ಎಲ್ಲಾ ವೇಸ್ಟೇಜ್ ಗಳನ್ನು ಸಂಗ್ರಹಿಸಿ. ಕಂಪನಿಯ ಕಚೇರಿ ಆವರಣದಲ್ಲಿ ಗೊಬ್ಬರ ತಯಾರಿಸುವ ಚಿಂತನೆ ಇದೆ. ಒಟ್ಟಾರೆ ಹೈಜನಿಕ್ ಎಳನೀರು ದಾವಣಗೆರೆಯಲ್ಲಿ ಸಿಗಲಿದ್ದು, ಆಸಕ್ತರು ನಾಗನೂರಿಗೆ ಭೇಟಿ ನೀಡಬಹುದು.
![](https://davangerevijaya.com/wp-content/uploads/2024/09/IMG-20240906-WA01423.jpg)
![](https://davangerevijaya.com/wp-content/uploads/2024/09/IMG-20240906-WA02802.jpg)
![](https://davangerevijaya.com/wp-content/uploads/2024/09/IMG-20240906-WA01311.jpg)
![](https://davangerevijaya.com/wp-content/uploads/2024/09/IMG-20240906-WA0167.jpg)
![](https://davangerevijaya.com/wp-content/uploads/2024/09/IMG-20240906-WA02821.jpg)