ದಾವಣಗೆರೆ : ಸಮೀಪದ ದೊಡ್ಡ ಬಾತಿ ಗ್ರಾಮದ ಶ್ರೀ ರೇವಣಸಿದ್ದೇಶ್ವರ ಸ್ವಾಮಿ ದೇವಾಲಯಕ್ಕೆ ಬಿಜೆಪಿ ಅಭ್ಯರ್ಥಿ ಗಾಯತ್ರಿ ಸಿದ್ದೇಶ್ವರ್ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿ, ದೇವರ ದರ್ಶನ ಪಡೆದರು.
ಈ ವೇಳೆ ದೇವಸ್ಥಾನ ಸಮಿತಿ ಸದಸ್ಯರು ಗಾಯತ್ರಿ ಸಿದ್ದೇಶ್ವರ್ ಅವರನ್ನು ಸನ್ಮಾನಿಸಿ, ಗೌರವಿಸಿದರು. ನಂತರ ಬಿಸಿಲಿನಲ್ಲಿ ದೇವಸ್ಥಾನ ಕ್ಕೆ ಆಗಮಿಸಿದ ಭಕ್ತರಿಗೆ ಗಾಯತ್ರಿ ಸಿದ್ದೇಶ್ವರ್ ಹಣ್ಣು ನೀಡುವುದರ ಮೂಲಕ ಭಕ್ತಿ ಸಮರ್ಪಿಸಿದರು. ನಂತರ ಮಾತನಾಡಿ, ಇಂತಹ ಬಿಸಲಿನಲ್ಲೂ ದೇವರ ದರ್ಶನ ಮಾಡಿದ್ದೀರಿ, ಆ ಸ್ವಾಮಿ ನಿಮಗೆ ಒಳ್ಲೆಯದನ್ನೇ ಮಾಡಲಿ ಎಂದ ಗಾಯಿತ್ರಿ ಸಿದ್ದೇಶ್ವರ ಬಿಜೆಪಿಗೆ ಮತ ನೀಡುವಂತೆ ಮನವಿ ಮಾಡಿಕೊಂಡರು.
ಈ ಸಂದರ್ಭದಲ್ಲಿ ದೂಡಾ ಮಾಜಿ ಅಧ್ಯಕ್ಷ ಪ್ರಕಾಶ್, ಮುಖಂಡರಾದ ಕೆ.ಬಿ.ಕೊಟ್ರೇಶ್, ಪಾಲಿಕೆ ಸದ್ಯಸರಾದ ಉಮಾ ಪ್ರಕಾಶ್, ಸಂಗನ ಗೌಡರು, ರಾಜಪ್ಪ, ಪೂಜಾರಿ ಜಗಣ್ಣ, ಪೂಜಾರಿ ಶಿವಣ್ಣ, ರೇಣುಕಾ ಶ್ರೀನಿವಾಸ್, ಸವಿತಾ ಶ್ರೀನಿವಾಸ್, ಜಯಮ್ಮ ಮತ್ತು ದೊಡ್ಡ ಬಾತಿ ಗ್ರಾಮಸ್ಥರು ಇದ್ದರು..
