ಭದ್ರಾವತಿ: ನ್ಯೂಟೌನ್ ಶುಗ‌ರ್ ಟೌನ್ ಲಯನ್ಸ್ ಕ್ಲಬ್‌ನಲ್ಲಿ ದಲಿತ ನೌಕರರ ಒಕ್ಕೂಟ, ದಲಿತ ಸಂಘರ್ಷ ಸಮಿತಿ, ಛಲವಾದಿ ಸಮಾಜ, ಛಲವಾದಿ ಮಹಾಸಭಾ, ಮಾದಿಗ ಸಮಾಜ, ಮಾದಿಗ ಮಹಾಸಭಾ ಸಹಯೋಗ ದಲ್ಲಿ ಮಾ.24ರ ಬೆಳಗ್ಗೆ ಚಿತ್ರ ನಟ ಹಾಗೂ ನಿವೃತ್ತ ಐಎಎಸ್ ಅಧಿಕಾರಿ ಕೆ. ಶಿವರಾಂ ಅವರಿಗೆ ನುಡಿ ನಮನ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.
ದಲಿತ ಸಂಘರ್ಷ ಸಮಿತಿ ರಾಜ್ಯ ಸಮಿತಿ ಸದಸ್ಯ ಶಿವಬಸಪ್ಪ ಸುದ್ದಿಗೋಷ್ಠಿ ಯಲ್ಲಿ ಮಾತನಾಡಿ, ಹೊಳೆನರಸೀಪುರ ಸರಕಾರಿ ಪಾಲಿಟೆಕ್ನಿಕ್ ಉಪನ್ಯಾಸಕ ಎನ್.ಆರ್.ಶಿವರಾಮ್ ಅವರು ಶಿವರಾಂ ಒಡನಾಟದ ಮಾತುಗಳನ್ನಾಡುವರು. ಶಿವಬಸಪ್ಪ ಅಧ್ಯಕ್ಷತೆ ವಹಿಸುವರು. ಜಿಲ್ಲಾ ನೌಕರರ ಒಕ್ಕೂಟದ ಅಧ್ಯಕ್ಷ ಎನ್.ಮಂಜುನಾಥ್, ವಿವಿಧ ಸಮಾಜಗಳ ಮುಖಂಡರಾದ ಚನ್ನಪ್ಪ,ಎಸ್.ಮಂಜುನಾಥ್, ಸುರೇಶ್, ಎಂ.ಶಿವಕುಮಾರ್, ಆರ್.ಶ್ರೀನಿವಾಸ್ ಮತ್ತಿತರರು ಭಾಗವಹಿಸಲಿದ್ದಾರೆ. ಇದೇ ಸಂದರ್ಭ ಚಿಗುರು ಕಲಾ ತಂಡದಿಂದ ಶಿವರಾಂ ಅಭಿನಯದ ಚಲನ ಚಿತ್ರಗೀತೆಗಳ ಗಾಯನ ಮತ್ತು ಜಾನಪದ ಕಲಾ ತಂಡದ ರೇವಣಪ್ಪ ಸಂಗಡಿಗರಿಂದ ಕ್ರಾಂತಿ ಗೀತೆಗಳ ಗಾಯನನಡೆಯಲಿದೆ ಎಂದರು.
ತಾಲೂಕು ನೌಕರರ ಒಕ್ಕೂಟದ ಅಧ್ಯಕ್ಷ ಲಿಂಗರಾಜು, ಮುಖಂಡರಾದ ಶಿವಕುಮಾರ್, ತಮ್ಮಯ್ಯ, ನಾಗರಾಜ್, ಸುರೇಶ್ ಮತ್ತಿತರರು ಹಾಜರಿದ್ದರು.
