ರಾಷ್ಟ್ರೀಯ ಪ್ರಜಾ ಸೇವೆ ರತ್ನ” ಪ್ರಶಸ್ತಿ ಬಾಡದ ಆನಂದರಾಜು, ಜಿ. ಎಸ್. ಶ್ಯಾಮ್ ಗೆ ಪ್ರದಾನ

ದಾವಣಗೆರೆ: ಗೋವಾದ ಕ್ವಾಲಂಗುಟೆ ಕನ್ನಡ ಸಂಘ, ಬೆಂಗಳೂರಿನ ಸಾಂತ್ವನ ಮ್ಯೂಸಿಕ್ ಅಂಡ್ ಚಾರಿಟೇಬಲ್ ಫೌಂಡೇಶನ್ ವತಿಯಿಂದ ಕೊಡಮಾಡಲ್ಪಟ್ಟ “ರಾಷ್ಟ್ರೀಯ ಪ್ರಜಾ ಸೇವೆ ರತ್ನ” ಪ್ರಶಸ್ತಿಯನ್ನು ದಾವಣಗೆರೆ ಜಿಲ್ಲಾ ಶೋಷಿತ ವರ್ಗಗಳ ಒಕ್ಕೂಟದ ಅಧ್ಯಕ್ಷ ಬಾಡದ ಆನಂದರಾಜು ಹಾಗೂ ಮಾಯಕೊಂಡದ ಬಿಜೆಪಿ ಯುವ ಮುಖಂಡ ಜಿ. ಎಸ್. ಶ್ಯಾಮ್ ಅವರಿಗೆ ಪ್ರದಾನ ಮಾಡಲಾಯಿತು.

ಗೋವಾ ಕನ್ನಡಿಗರ ಸಂಘ ಬ್ರಾಂಗಜಾ ಕ್ರೀಡಾಂಗಣದಲ್ಲಿ ಸಾಧಕರಾದ ಬಾಡದ ಆನಂದರಾಜ ಮತ್ತು ಜಿಎಸ್.ಶ್ಯಾಮ್ ರವರಿಗೆ ರಾಷ್ಟ್ರೀಯ ಪ್ರಜಾ ಸೇವಾ ಪ್ರಶಸ್ತಿ ಪ್ರಧಾನ ಸಮಾರಂಭದಲ್ಲಿ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತರಾದ ಹರಕೆಳ ಹಾಜಬ್ಬ ಪ್ರದಾನ ಮಾಡಿದರು.

ಈ ವೇಳೆ ಮಾತನಾಡಿದ ಬಾಡದ ಆನಂದರಾಜು ಹಾಗೂ ಜಿ. ಎಸ್. ಶ್ಯಾಮ್ ಅವರು ಪ್ರಶಸ್ತಿ ಲಭಿಸಿದ್ದು ಖುಷಿ ತಂದಿದೆ. ಸಾಮಾಜಿಕ, ಶೈಕ್ಷಣಿಕ, ರಾಜಕೀಯವಾಗಿ ಸೇವೆ ಸಲ್ಲಿಸಿದವರನ್ನು ಗುರುತಿಸಿ ಅಭಿನಂದಿಸಿ, ಸನ್ಮಾನಿಸಿದ್ದು ಅರ್ಥಪೂರ್ಣ ಎನಿಸಿತು. ದಾವಣಗೆರೆಯ ಸಾಧಕರನ್ನು ಗುರುತಿಸಿದ ಗೋವಾದ ಕ್ವಾಲಂಗುಟೆ ಕನ್ನಡ ಸಂಘ, ಬೆಂಗಳೂರಿನ ಸಾಂತ್ವನ ಮ್ಯೂಸಿಕ್ ಅಂಡ್ ಚಾರಿಟೇಬಲ್ ಫೌಂಡೇಶನ್ ಗೆ ಆಭಾರಿಯಾಗಿರುತ್ತೇವೆ ಎಂದು ತಿಳಿಸಿದರು.

ಪ್ರಶಸ್ತಿ ಪ್ರದಾನ ಮಾಡಿ ಮಾತನಾಡಿದ ಹರಕೆಳ ಹಾಜಬ್ಬ, ಮನುಷ್ಯನ ಮನುಷ್ಯತ್ವದ ಕಾರ್ಯಗಳನ್ನು ಜನರಾಗಲಿ ಸರ್ಕಾರವಾಗಲಿ ಮೆಚ್ಚುಗೆ ವ್ಯಕ್ತಪಡಿಸಿ ಪ್ರೋತ್ಸಾಹಿಸಿದರೆ ಮಹತ್ವದ ಕಾರ್ಯಗಳನ್ನ ಮತ್ತಷ್ಟು ಕಾಣಬಹುದು ಎಂದು ಹೇಳಿದರು.

ಮನಷ್ಯನಿಗೆ ಮತ್ತಷ್ಟು ಮನುಷ್ಯತ್ವ ಹೆಚ್ಚಿಸುವುದು ಈ ಪ್ರಶಸ್ತಿ ಪುರಸ್ಕಾರಗಳು ಮಾತ್ರ ಹಾಗಾಗಿ ನನ್ನಂತಹ ಬಡವನ ಕಾರ್ಯವನ್ನ ಕೇಂದ್ರ ಸರ್ಕಾರ ಗಮನಿಸಿ ಪದ್ಮಶ್ರೀ ಪ್ರಶಸ್ತಿ ಕೊಟ್ಟು ಪುರಸ್ಕಾರಿಸಿತು ಈ ಪುರಸ್ಕಾರದಿಂದ ನನ್ನಂತಹ ಅದೆಷ್ಟೋ ಸಾಧಕರಿಗೆ ಬೆನ್ನತಟ್ಟಿದಂತಾಗಿದೆ ಹಾಗಾಗಿ ಇಂದಿನ ಪ್ರಶಸ್ತಿ ಪುರಸ್ಕೃತರಗಳು ಸಮಾಜದಲ್ಲಿ ಮುಖಿವಾಹಿನಿಗೆ ಬಂದು ಜನನಾಯಕರಾಗಲಿ ಎಂದು ಶುಭ ಹಾರೈಸಿದರು.

ಇದೇ ಸಂದರ್ಭದಲ್ಲಿ ಗೋವಾ ಸರ್ಕಾರದ ಮಾಜಿ ಉಪಸಭಾಪತಿ ಹಾಗೂ ಶಾಸಕ ಮೈಕಲ್ ಲೋಬೋ, ಖ್ಯಾತ ಗಾಯಕಿ ಪವಿತ್ರಾ ರೆಡ್ಡಿ, ಗೋವಾ ಕನ್ನಡ ಸಂಘದ ರಾಜ್ಯಾಧ್ಯಕ್ಷ ಮುರುಳಿ ಮೋಹನ್ ಶೆಟ್ಟಿ, ಎ. ಎನ್. ಎನ್. ಮಾದ್ಯಮ ವರದಿಗಾರ ಅನಿಲ್ ಸನದಿ, ಅಖಿಲ ಗೋವಾ ವೀರಶೈವ ಮಹಿಳಾ ರಾಜ್ಯಾಧ್ಯಕ್ಷೆ ಜಯಶೀಲಾ ಹೊಸಮನಿ ಮತ್ತಿತರರು ಹಾಜರಿದ್ದರು.