ನ್ಯಾಮತಿ ಪಟ್ಟಣ ಸೇರಿದಂತೆ ತಾಲೂಕಿನ ವಿವಿಧ ಗ್ರಾಮಗಳಲ್ಲಿ ವಿಶ್ವಗುರು ಬಸವಣ್ಣ ಜಯಂತಿಯನ್ನು ಶುಕ್ರವಾರ ಮಾಡಿದರು.
ತಾಲೂಕು ಕೋಡಿಕೊಪ್ಪ ಮತ್ತು ಕೆಂಚಿಕೊಪ್ಪ ಗ್ರಾಮಗಳಲ್ಲಿ ಬಸವೇಶ್ವರರ ಜಯಂತುತ್ಸವದ ಪ್ರಯುಕ್ತ ಶುಕ್ರವಾರ ಸಂಜೆ ರೈತರ ತಮ್ಮ ಜೀವನಾಡಿಯಾದ ಎತ್ತುಗಳ ಮೆರವಣಿಗೆಯನ್ನು ಅದ್ಧೂರಿಯಾಗಿ ನಡೆಸಿದರು.
ತಮ್ಮ ಮನೆಯ ಎಲ್ಲಾ ಜಾನುವಾರಗಳನ್ನು ಮೈ ತೊಳೆದು ಕೊಂಬುಗಳಿಗೆ ಬಗ್ಗೆ ಬಗೆಯ ಬಣ್ಣ ಹಚ್ಚಿ, ಕೊಂಬೆಣಸು, ಜೂಲಗಳನ್ನು ಹಾಕಿ ಅವುಗಳನ್ನು ಸಿಂಗರಿಸಿ ಸಂಜೆ ಬಸವಣ್ಣನವರ ಭಾವಚಿತ್ರದೊಂದಿಗೆ ಅದ್ದೂರಿಯಾಗಿ ಮೆರವಣಿಗೆ ನಡೆಸಲಾಯಿತು.
ಇದಕ್ಕೂ ಮೊದಲು ಬಸವೇಶ್ವರ ದೇಗುಲದಲ್ಲಿ ರುದ್ರಾಭಿಷೇಕ ಬಿಲ್ವಾರ್ಚನೆ ಮಹಾ ಮಂಗಳಾರತಿ ವಿಶೇಷ ಪೂಜಾ ಕೈಂಕರ್ಯಗಳನ್ನು ನಡೆಸಲಾಯಿತು.
ಬಸವ ಜಯಂತಿಯ ಪ್ರಯುಕ್ತ ಗ್ರಾಮದ ಮನೆಗಳಲ್ಲಿ ಹೋಳಿಗೆ, ಪಾಯಸ, ಮತ್ತಿತರ ವಿಶೇಷ ಭೋಜನಗಳನ್ನು ಮಾಡಿ ತಮ್ಮ ಜಾನುವಾರುಗಳಿಗೆ ತಿನ್ನಿಸಿದರು. ಸಂಜೆ ರೈತರು ತಮ್ಮ ಎತ್ತುಗಳನ್ನು ವಿಶೇಷವಾಗಿ ಜುಲಾ ಬಲೂನ್ ವಿವಿಧ ಅಲಂಕಾರ ಮಾಡಿ ವಿಶ್ವಗುರು ಬಸವಣ್ಣನ ಭಾವ ಚಿತ್ರದೊಂದಿಗೆ ಗ್ರಾಮದ ಬೀದಿಗಳಲ್ಲಿ ಮಂಗಳವಾಧ್ಯ, ಮಹಿಳೆಯರ ಆರತಿಯೊಂದಿಗೆ ಮೆರವಣಿಗೆ ನಡೆಸಿ ಸಾಮೂಹಿಕ ಅನ್ನಸಂತರ್ಪಣೆ ಕಾರ್ಯಕ್ರಮ ನಡೆಸಿದರು.
ಈ ಸಂದರ್ಭದಲ್ಲಿ ಗ್ರಾಮದ ಮುಖಂಡರಾದ ಬಿ.ಶಿವಪ್ಪ, ಪರಮೇಶ್ವರಪ್ಪ, ಯೋಗೀಶ್ಪ್ಪ, ಎಚ್.ಶಿವಪ್ಪ, ರುದ್ರೇಶ್, ಬಸವರಾಜಪ್ಪ ಹಾಲಪ್ಪ ಸೇರಿದಂತೆ ಹಲವಾರು ಯುವಕರು ಮುಖಂಡರು ಮೆರವಣಿಗೆಯಲ್ಲಿ ಭಾಗವಹಿಸಿದ್ದರು.
